Aktivitetar i Balestrand (0-6 år)

Før Jesus fór opp til himmelen, ga han kyrkja eit oppdrag og eit løfte: «Eg har fått all makt i himmelen og på jorda. Gå difor ut og gjer alle folkeslag til læresveinar: Døyp dei til namnet åt Faderen og Sonen og Den heilage ande og lær dei å halda alt det eg har bode dykk. Og sjå, eg er med dykk alle dagar så lenge verda står.»

Vårt svar på dette oppdraget er å drive med trusopplæring. Trusopplæringa tek mange former og finn stad gjennom heile oppveksten.

I Balestrand sokn vert dei yngste borna inviterte til å vere med på:

Babysong på helsestasjonen
Tilbodet varierer i omfang og deltaking i samsvar med interessen og tal på fødde. Dagar og tider vert varsla gjennom plakatar og på Balestrand babysong på facebook. Kyrkja har ikkje oversikt over nyfødde born, berre døypte, så det vert ikkje automatisk sendt ut invitasjonar til Babysong. Supert om du/de som vil vere med på Babysong, tek kontakt med Magni Åm Risa: 466 97 476

Spiren (3-8 år)
Barneforeining i regi av NLM annakvar onsdag (partalsveker om hausten og oddetalsveker om våren). Dei møtest på eit klasserom på Sygna vgs. Her lærer borna mange kristne barnesongar, får høyre historier frå Bibelen, ete i lag og lage noko kreativt. Kontaktperson: Kristin Eilifsen:

4- og 6-årssamlingar og utdeling av 4- og 6-årsbok
Invitasjon vert sendt ut til borna i forkant av samlinga. Flott om foreldre, fadrar, besteforeldre eller andre har lyst å vere med på gudstenesta. Kontaktperson: Magni Åm Risa: 466 97 476

I tillegg er det tilbod om barnesamling under preika på gudstenestene i Tjugum og Søndagsskule og Tårnagentar under talane på Bedehuset, så her er det berre å ta borna med 😊

Bur du i fjordane er du hjarteleg velkomen på «Kvardagsskulen» ca ein torsdag i månaden.
Kontaktperson: Jenny Kristin Menes (414 69 329)