Frode Skag Storheim held konsert i Tjugum kyrkje til inntekt for restaurering av kyrkjeorgelet i kyrkja fredag 26. april kl.18.00
Frode Skag Storheim som er godt kjend i Balestrand, blant anna for sitt arbeid med biografi om kunstmalar Hans Dahl. Frode er utdanna pianist ved Griegakademiet, og har studert orgel i to år. Han er ein ‘begeistra formidlar med glimt i auga’ – slik vi òg kjenner han frå oppdrag i Balestrand.
Vi får høyre både kjende klassiske stykke av Händel, Bach og Grieg men òg utdrag av moderne stykke av komponist Eilert Tøsse frå Samnanger.
Frode Skag Storheim er ein dyktig musikar og ein ordkunstnar. Han vil introdusere musikken og vi kan love ein feiande flott kveld!
Av lokalt bidrag har vi med BALESTRAND SONGLAG.
Konserten er til inntekt for restaurering av orgelet i Tjugum kyrkje.
Billettar i døra: Vaksne kr 200. Studentar kr 100.
Konserten er i regi av kultursamarbeidet i Balestrand:
Balestrand sokneråd, Balestrand folkeakademi, Balestrand sogelag og Balestrand pensjonistlag, Balestrand bibliotek.