Orgelet i Stedje kyrkje

Pipeverket er for ein stor del henta frå to eldre orgler. Det eine vart levert i slutten av 1916 av det norske firmaet Olsen & Jørgensen til Birkeland kyrkje i Fana. I 1962 vart det flytta til Fusa kyrke. Der vart det i 2004 erstatta av eit nytt orgel, levert av Steendam. Det andre orgelet vart bygd av det nederlandske firmaet Valckx & van Kouteren. Dei leverte mange orgel med pneumatisk eller elektrisk traktur mellom 1923 og 1959. Der det står Rotterdam, er pipene frå eit orgel dette firmaet bygde til St. Antonius kerk i denne byen.

Fasadepipene er støypte av metall frå principal-pipene i det tidlegare orgelet i Stedje kyrkje, levert av Vestlandske Orgelverkstad i 1966. Desse hadde 80% tinn og var av god kvalitet. Lydbegrene til Klarinett er nye. De andre delene av klarinetten, unntatt 9 piper, er laga av det tyske firmaet Schiedmayer, som begynte å bygge piano i 1735 og etter kvart vart eit spesialfirma for tungestemmer og tunger til harmonium og liknande. Fasadepipene og lydbegrene til Klarinett er laga av Stinkens pipeverkstad i Nederland. Spelebordet, setzeranlegget og andre elektriske deler er levert av Heuss i Tyskland.

Hovedverk og pedal har felles dobbeltfalda magasinbelg lagd av Steendam. Belgane til 2. og 3 manual er henta frå orgelet i Lasonderkerk i Enschede, Nederland, bygd av Valckx en van Kouteren.  Dette orgelet vart teke ned av orgelbyggjar Steendam. Far hans spelte på det i 25 år.

Tonehøgde: A = 440 Hz ved 18 grader. Likesvevande temperatur.

Koplar: III-I, II-I, III-II, III-P, II-P, I-P, II 4', II 16'
Super- og subkoplane koplar ned saman med manual- og pedal-koppel. Det vil seie at om ein har II 16' aktivert saman med II-I og II-P, vil ein òg få II-I 16' og II-P 16'.

Elektronisk traktur og registratur: Heuss Traktursystem 2.

Crescendovalse

Komposisjon, mixturar